Бразилия терма жамоаси собиқ футболчиси, 2002 йилги Жаҳон чемпиони Роналдиньо "пентакампеонлар"нинг Жаҳон чемпионати — 2026 гуруҳ босқичи 3-турида Шотландия устидан қозонган ғалабаси (3:0) ҳамда жамоанинг "C" квартетида биринчи ўрин билан плей-оффга йўл олганига муносабат билдирди.
"Муҳим ғалаба ва гуруҳдаги пешқадамлик! Бразилиялик мухлисларнинг ҳайқириқлари остида миллий терма жамоамиз билан шу ерда бўлишдан ажойиб туйғуларни ҳис қилмоқдаман!" — деб ёзди Роналдиньо ўзининг "X" ижтимоий тармоғидаги саҳифасида.
Эслатиб ўтамиз, Бразилия терма жамоаси 7 очко жамғарган ҳолда "C" гуруҳида пешқадамга айланди. Шотландия миллий жамоаси эса 3 очко билан учинчи поғонадан жой олди.
