Жанубий Африка Республикаси (ЖАР) терма жамоаси кичик бир футбол мўъжизасини кўрсатди — турнирнинг илк ўйинидаги мағлубият, иккита четлатиш ва умумий ҳисобда жуда заиф ўйиндан сўнг барибир Жаҳон чемпионатининг плей-офф босқичига чиқишни уддалади.
Маълум бўлишича, бу ЖАР терма жамоаси учун ҳақиқий дебют ҳисобланади — улар бундан аввал Жаҳон чемпионатларида ҳеч қачон гуруҳдан чиқа олишмаган эди, ҳатто ўз уйларида ўтган турнирда ҳам.
Умуман олганда эса, ЖАР плей-оффга йўлланма олган еттинчи Африка терма жамоаси бўлди. Бундан аввал ушбу натижага эришганлар қаторида юқорида номлари тилга олинган Нигерия ва Гана, шунингдек, Марокаш, Камерун, Жазоир ҳамда Сенегал терма жамоалари бор эди. Энди уларга жанубий африкаликлар ҳам қўшилди.
Жаҳон чемпионати ўн тўққизинчи июль куни якунига етади.
