Франция терма жамоаси ярим ҳимоячиси Орельен Тчуамени футбол бўйича 2026 йилги жаҳон чемпионати гуруҳ босқичи 3-туридан ўрин олган Норвегияга қарши баҳс олдидан рақиб ҳужумчиси Эрлинг Холанд ҳақидаги фикрлари билан ўртоқлашди. Учрашув 26 июнь куни бўлиб ўтади.
«Холанд — жаҳон даражасидаги футболчи. У исталган дақиқада гол уриши мумкин, шунинг учун биз ҳушёрликни сақлашимиз керак. Диққатни озгина йўқотиш ҳам қимматга тушиши мумкин, аммо биз ушбу жангга тайёрмиз», — дея Тчуаменининг сўзларини келтирмоқда журналист Жюльен Фроман.
Эслатиб ўтамиз, Франция ва Норвегия терма жамоалари аллақочон ЖЧ-2026 плей-офф босқичи йўлланмасини нақд қилиб бўлишган ва «I» гуруҳида биринчи ўрин кимга насиб этишини ўзаро ҳал қилишади. Икки турдан сўнг ҳар икки жамоа ҳисобида олтитадан очко мавжуд.
