Жаҳон чемпионати — 2026 гуруҳ босқичининг учинчи турида Аргентина терма жамоаси Иорданияни 3:1 ҳисобида мағлуб этди. Аргентиналиклар ҳужумчиси Лионель Месси бошланғич таркибга киритилмади, бироқ 60-дақиқада майдонда пайдо бўлди.
39 ёшли Месси учун ушбу учрашув Жаҳон чемпионатлари доирасидаги 29-ўйин бўлди. Шу тариқа, Лео мундиалларда энг кўп ўйин ўтказиш бўйича ўзига тегишли бўлган жаҳон рекордини янгилади. Амалдаги футболчилар орасида унинг энг яқин таъқибчиси португалиялик Криштиану Роналду ҳисобланиб, унинг ҳисобида майдонга тушишлар сони 25 тани ташкил этади.
Шуни ҳам қўшимча қилиш жоизки, Иордания билан ўйинда Месси жарима зарбасидан гол уриб, яна бир рекордни янгилади. Эндиликда ҳужумчи ҳисобида 19 та гол мавжуд — бу Жаҳон чемпионатлари тарихида исталган бошқа футболчиникидан кўпроқдир.
1/16 финалда Аргентина Кабо-Верде билан тўқнаш келади. Ушбу баҳс 4 июль куни бўлиб ўтади.
