Африка терма жамоалари жисмоний жиҳатдан бақувват бўлиб, Ўзбекистон терма жамоаси ҳужумчиси Элдор Шомуродовнинг фикрича, бу уларнинг Осиё жамоаларидан ягона устунлик томони ҳисобланади.

Гуруҳ босқичининг учинчи туридан ўрин олган баҳсда Ўзбекистон Конго ДРга 1:3 ҳисобида имкониятни бой берди. Шомуродов ўз жамоаси таркибидаги ягона гол муаллифига айланди.

Учрашув якунида форвард рақиб тажриба ва жисмоний куч борасида устунликка эга бўлганини, бироқ африкалик жамоаларнинг Осиё жамоаларидан бутунлай устунлиги ҳақида гапириш ноўрин эканлигини таъкидлади.

«Европада ўйнаганлар билади, улар ҳам жисмоний томонлама кучлироқ, ҳам савияси бошқа даражада. Шу боис улар жисмоний жиҳатдан бўш келишмайди. Бунинг устига, улар ўн киши бўлиб ҳимояланишганда, гол уриш жуда қийин бўлади», — дея Шомуродовнинг сўзларини «Спорт-Экспресс» нашри келтирмоқда.

Мундиалнинг плей-офф босқичига бир йўла тўққизта Африка терма жамоаси йўл олди.