Сенегал терма жамоаси дарвозабони Эдуар Менди миллий терма жамоа қароргоҳини тарк этди ва даволаниш муолажаларини ўташ учун Саудия Арабистонига учиб кетди. Бу ҳақда DSports нашри хабар тарқатмоқда.

Посбон Жаҳон чемпионати — 2026 гуруҳ босқичи доирасидаги Норвегияга қарши учрашувда (2:3) жароҳат орттириб олган эди. Футболчи баҳснинг иккинчи бўлимида захирага олинган. Мендининг жароҳати қанчалик жиддий эканлиги ҳозирча маълум қилинмаган. Шунингдек, дарвозабон Сенегалнинг ЖЧдаги кейинги ўйинларида иштирок эта оладими ёки йўқми — буниси ҳам номаълум бўлиб турибди.

Жаҳон чемпионатининг 1/16 финали доирасида Африка вакиллари Бельгия миллий терма жамоасига қарши майдонга тушишади. Учрашув 1 июль куни бўлиб ўтади ва Тошкент вақти билан тунги соат 01:00 да бошланади.