Бразилия терма жамоаси Япония устидан 2:1 ҳисобида иродали ғалабага эришди. Ҳужумчи Неймар учрашувнинг барча дақиқаларини захира ўриндиғида ўтказди. Ўйиндан сўнг «селесао» бош мураббийи Карло Анчелотти ўз фикрларини билдириб ўтди.

«Биз хотиржамликни йўқотмадик, майдонда ҳам, захира ўриндиғида ҳам имкониятларимиз (ресурсларимиз) етарли эди. Япония — осон рақиб эмас, улар жуда тартибли ва юқори тезликда ўйнайдиган жамоа.

Мен Неймарни қўшимча вақтлар учун асраб қўйгандим. Агар биз иккинчи голни ура олмаганимизда, у 105-дақиқада майдонга тушиши керак эди. Мен жамоанинг ўйин структурасини (услубини) ўзгартиришни истамадим, чунки йигитлар жуда яхши ҳаракат қилишаётганди», — дея Анчелоттининг сўзларини келтиради ФИФА расмий сайти.

ЖЧ-2026нинг 1/8 финалида Бразилия терма жамоасига Кот-д’Ивуар – Норвегия баҳси ғолиби рақиблик қилади.