Braziliya terma jamoasi Yaponiya ustidan 2:1 hisobida irodali g‘alabaga erishdi. Hujumchi Neymar uchrashuvning barcha daqiqalarini zaxira o‘rindig‘ida o‘tkazdi. O‘yindan so‘ng «selesao» bosh murabbiyi Karlo Anchelotti o‘z fikrlarini bildirib o‘tdi.
«Biz xotirjamlikni yo‘qotmadik, maydonda ham, zaxira o‘rindig‘ida ham imkoniyatlarimiz (resurslarimiz) yetarli edi. Yaponiya — oson raqib emas, ular juda tartibli va yuqori tezlikda o‘ynaydigan jamoa.
Men Neymarni qo‘shimcha vaqtlar uchun asrab qo‘ygandim. Agar biz ikkinchi golni ura olmaganimizda, u 105-daqiqada maydonga tushishi kerak edi. Men jamoaning o‘yin strukturasini (uslubini) o‘zgartirishni istamadim, chunki yigitlar juda yaxshi harakat qilishayotgandi», — deya Anchelottining so‘zlarini keltiradi FIFA rasmiy sayti.
JCH-2026ning 1/8 finalida Braziliya terma jamoasiga Kot-d’Ivuar – Norvegiya bahsi g‘olibi raqiblik qiladi.
