Германиялик математик Йоахим Клемент сўнгги учта жаҳон чемпионини аниқ топгани билан машҳур ҳисобланади. Клемент Бразилия терма жамоасини ЖЧ-2026 плей-оффининг илк босқичидаёқ мусобақадан чиқиб кетишини прогноз қилган эди, бироқ «селесао» Японияни 2:1 ҳисобида мағлуб этди.
Жамоасининг иродали ғалабасидан сўнг бразилиялик ҳужумчи Неймар Йоахим Клементга мурожаат йўллади.
«Жаноб Йоахим Клемент. Кейинги Жаҳон чемпионатида яна бир бор уриниб кўринг», — деб ёзди Неймар ва гапига кўз қисиб турган эмодзини қўшиб қўйди.
Эслатиб ўтамиз, бундан аввалроқ Йоахим Клемент 2026 йилги Жаҳон чемпионатида Нидерландия терма жамоаси ғолиб чиқишини прогноз қилган эди.
Бразилия терма жамоаси ЖЧ-2026нинг 1/8 финалида Кот-д’Ивуар – Норвегия баҳси ғолибига қарши майдонга тушади.
