Мадриднинг «Атлетико» клуби ва Испания терма жамоаси ярим ҳимоячиси Алекс Баэна Мадриднинг «Реал» клуби ярим ҳимоячиси Федерико Вальверде билан содир бўлган муштлашувдан кейин фаолиятида юзага келган қийинчиликлар ҳақида гапириб берди.
Можаро 2023 йилда юз берган эди. Ўшанда Баэна учрашувлардан бирида уругвайлик футболчини ҳақорат қилгани ҳақида хабарлар тарқалганди. Кейинчалик Вальверде футболчини автотураргоҳда кутиб олиб, унинг юзига зарба берган. Испаниялик футболчи полицияга ариза ёзган, бироқ кейинчалик ушбу даъво рад этилган.
«Энг ёмони, яқинларимга ҳам хабарлар кела бошлагани бўлди. Уларга таҳдидлар ёзишар, тун ярмида қўнғироқ қилиб, ўлдириш билан қўрқитишарди. Тўғрисини айтсам, улар учун ўзимдан кўра кўпроқ қайғурдим... Агар психолог бўлмаганида, катта эҳтимол билан бугун мен бу ерда бўлмасдим», — дея ярим ҳимоячининг сўзларини келтиради Mundo Deportivo нашри.
Айни дамда Алекс Баэна ЖЧ-2026да иштирок этиш учун Испания терма жамоаси ихтиёрида бўлиб турибди. Жамоа 1/16 финал босқичи доирасида Австрия терма жамоасига қарши майдонга тушади.
