Жаҳон чемпионати–2026 1/16 финали доирасида Мексика ва Эквадор терма жамоалари ўртасидаги баҳсда мезбонлар 2:0 ҳисобида ғалаба қозонди.
Мексика терма жамоаси футболчиси Хильберто Мора (17 ёш 259 кун) Жаҳон чемпионати плей-офф босқичида асосий таркибда майдонга тушган иккинчи 17 ёшли ва тарихдаги иккинчи энг ёш футболчига айланди. Бу борадаги энг яхши натижа афсонавий Пелега тегишли. У 1958 йилги Жаҳон чемпионатида Уэльсга қарши баҳсда 17 ёш 239 кунлигида асосий таркибда майдонга тушган эди.
Жаҳон чемпионати 1/8 финалида Мексика Англия — Конго ДР жуфтлиги ғолибига қарши баҳс олиб боради. Эквадор эса мусобақадаги иштирокини якунлади.
Эслатиб ўтамиз, Жаҳон чемпионати–2026 АҚШ, Канада ва Мексикада 11 июндан 19 июлга қадар ўтказилмоқда. Амалдаги жаҳон чемпиони Аргентина терма жамоаси ҳисобланади.
