«Барселона» ва Испания терма жамоасининг 18 ёшли вингери Ламин Ямаль фаолияти давомида олтита жаҳон чемпионатида иштирок этиши мумкинлиги ҳақидаги саволга жавоб берди.
«Ўзимни олтита мундиалда тасаввур қила олмайман. Роналду ва Месси буни уддалай олишдими? Менинг фаолиятим бунчалик узоқ давом этишига кўзим етмайди», — дея юлдузли футболчининг сўзларини келтиради El Larguero.
Таъкидлаш жоизки, 2026 йилги жаҳон чемпионати испаниялик футболчи учун фаолиятидаги биринчиси ҳисобланади. 39 ёшли Лионель Месси ва 41 ёшли Криштиану Роналду эса айни пайтда ўз фаолиятларидаги олтинчи мундиалда иштирок этишмоқда.
Жаҳон чемпионатининг плей-офф босқичи илк раундида «қизил фурия» Австрия терма жамоасига қарши баҳс олиб боради. Ушбу учрашув 2 июль куни бўлиб ўтади.
