«Barselona» va Ispaniya terma jamoasining 18 yoshli vingeri Lamin Yamal faoliyati davomida oltita jahon chempionatida ishtirok etishi mumkinligi haqidagi savolga javob berdi.

«O‘zimni oltita mundialda tasavvur qila olmayman. Ronaldu va Messi buni uddalay olishdimi? Mening faoliyatim bunchalik uzoq davom etishiga ko‘zim yetmaydi», — deya yulduzli futbolchining so‘zlarini keltiradi El Larguero.

Ta’kidlash joizki, 2026 yilgi jahon chempionati ispaniyalik futbolchi uchun faoliyatidagi birinchisi hisoblanadi. 39 yoshli Lionel Messi va 41 yoshli Krishtianu Ronaldu esa ayni paytda o‘z faoliyatlaridagi oltinchi mundialda ishtirok etishmoqda.

Jahon chempionatining pley-off bosqichi ilk raundida «qizil furiya» Avstriya terma jamoasiga qarshi bahs olib boradi. Ushbu uchrashuv 2 iyul kuni bo‘lib o‘tadi.