АҚШ президенти Дональд Трамп йиллик молиявий ҳисоботини эълон қилди. Унга кўра, ФИФА президенти Жанни Инфантино унга 2026 йилги Жаҳон чемпионати ўйинлари учун 10 та чипта совға қилган. Бу ҳақда CNBC хабар бермоқда.
Ҳужжатларда кўрсатилишича, Трамп умумий қиймати 370 минг доллардан ортиқ бўлган совғалар қабул қилиб олган. Уларнинг асосий қисмини спорт тадбирларига чипталар ташкил этган. Улар орасида ЖЧ-2026 ўйинларига қиймати 15 минг долларлик 10 та чипта, 50 минг долларлик Супербоул (Америка футболи) финалига 10 та чипта, шунингдек, бошқа спорт мусобақаларига чипталар бор.
Жаҳон чемпионати – 2026 мусобақаси 11 июндан 19 июлгача АҚШ, Канада ва Мексика майдонларида бўлиб ўтмоқда. Турнирнинг финал учрашуви Нью-Йоркдаги «Метлайф Стэдиум» аренасида ўтказилади.
