Англия терма жамоаси бош мураббийи Томас Тухель 2026 йилги Жаҳон чемпионатининг 1/16 финалида ДР Конго устидан қозонилган ғалабадан (2:1) сўнг Ҳарри Кейннинг ўйини ҳақида фикр билдирди.
Инглизлар сардори учрашувда дублни расмийлаштириб, ўз жамоасини турнирнинг кейинги босқичига олиб чиқди.
«Биз Ҳарридан айнан шуни кутамиз. Ўйлайманки, у ўзидан ҳам шуни талаб қилади. Қийин ва шиддатли ўйинларда айнан у учрашув тақдирини ҳал қилиши лозим. У юқори савияли футболчи», — деди инглизлар устози ўйиндан кейин.
Эслатиб ўтамиз, Кейннинг голлари эвазига Англия терма жамоаси танаффусдан кейин иккита тўп киритиб, иродали ғалабани қўлга киритди. Жаҳон чемпионатининг 1/8 финалида инглизлар Мексика терма жамоаси билан тўқнаш келишади.
