Бразилия терма жамоасининг собиқ ҳимоячиси Кафу ЖЧ-2026даги сув ичиш учун бериладиган танаффуслар ҳақида ўз фикрлари билан ўртоқлашди.
«Бу жуда катта ёрдам беради. Сув ичиш учун бериладиган ушбу уч дақиқа ҳал қилувчи аҳамиятга эга.
Агар бизнинг давримизда ВАР технологияси мавжуд бўлганида, агар бизда сув ичиш учун танаффуслар бўлганида, бир ўйинда 20 километр югуриш ўрнига 25 километр югурган бўлардим.
Чунки менда кўпроқ энергия бўларди, яхшироқ дам олган бўлардим ва танам яхшироқ ҳолатда бўларди.
Футболдаги барча ўзгаришлар — агар улар спортчиларга ва ўйинни томоша қилаётган барчага фойда келтирса, жуда ажойиб», — деди Кафу.
