Испания терма жамоаси Жаҳон чемпионати — 2026нинг 1/16 финал босқичида Австрияни 3:0 ҳисобида мағлуб этди. Учрашув Лос-Анжелес шаҳрида бўлиб ўтди.
Испанияликлар ҳужумчиси Микель Ойярсабаль 36 ва 89-дақиқаларда гол уриб, дублни расмийлаштирди. Иккала гол ҳам Марк Кукурельянинг узатмаларидан сўнг киритилди.
Яна бир голга 66-дақиқада ҳимоячи Педро Порро муаллифлик қилди. Бу гол у учун терма жамоа сафидаги дебют гол бўлди.
Испанияликлар 1/8 финалда Португалия — Хорватия учрашуви ғолибига қарши майдонга тушишади.
