Испания терма жамоаси бош мураббийи Луис де ла Фуэнте Жаҳон чемпионати — 2026нинг 1/8 финалидаги эҳтимолий рақиб ҳақидаги саволга жавоб берди. Ушбу босқичда «Фурия Роха» Португалия — Хорватия жуфтлиги ғолиби билан тўқнаш келади.
«Биз Португалияни ҳам, Хорватияни ҳам жуда яхши биламиз. Булар — иккита ажойиб жамоа. Улардан қайси бири ғалаба қозонишидан қатъи назар, биз улар билан учрашувни интиқлик билан кутамиз», — деди де ла Фуэнте Австрияга қарши кечган 1/16 финал ўйинидан сўнг.
Португалия ва Хорватия терма жамоалари ўртасидаги баҳс Тошкент вақти билан соат 04:00 да бошланади. Ушбу жамоалардан бирининг Испанияга қарши 1/8 финал доирасидаги учрашуви душанба куни, 6 июлда бўлиб ўтади. Учрашув АҚШдаги «Эй-Ти-энд-Тӣ» стадионида ўтказилади.
