ЖЧ-2026 плей-офф босқичининг дастлабки раундидаги баҳсда Швейцария терма жамоаси Жазоир миллий терма жамоаси билан тўқнаш келди. Мурат Якин шогирдлари африкаликлар устидан 2:0 ҳисобида ғалаба қозонишди.
Бўлиб ўтган ушбу қарама-қаршиликда швейцариялик футболчилар мундиаллардаги янги жамоавий рекордни ўрнатишди. Жамоа жаҳон чемпионатининг финал босқичи доирасида қаторасига тўртинчи ўйинда биринчи бўлиб гол уришга муваффақ бўлди.
Якин шогирдларининг кейинги рақиби Колумбия – Гана жуфтлиги ғолиби бўлади.
Мундиал Шимолий Американинг учта давлати: АҚШ, Канада ва Мексикада бўлиб ўтмоқда. Турнир 11 июндан 19 июлга қадар давом этади. Амалдаги чемпион Аргентина терма жамоаси ҳисобланади.
