Португалия терма жамоаси вингери Рафаэл Леау ЖЧ-2026 нинг 1/8 финалига йўлланма олинганидан сўнг журналистлар билан суҳбатлашди. Плей-оффнинг илк раундида Роберто Мартинес шогирдлари Хорватия терма жамоасини 2:1 ҳисобида мағлуб этишди.
«Хорватларга қарши ўйин мухлислар учун ҳақиқий томоша бўлди. Ўйлайманки, ишқибозлар кўрган ўйинларидан мамнун бўлишди. Кейинги баҳсимиз Испанияга қарши кечади. Бу жуда кучли жамоа. Биз уларни ҳурмат қиламиз, бироқ мақсадимиз фақат ғалаба қозониш. Криштиану учун бош совринни қўлга киритмоқчимиз. Унга фақатгина Жаҳон кубоги етишмаяпти», - дея футболчининг сўзларини келтиради A Bola нашри.
Португалия ва Испания ўртасидаги учрашув 6 июль куни бўлиб ўтади ва Тошкент вақти билан соат 23:59 да бошланади.
