Норвегия терма жамоаси ҳужумчиси Эрлинг Холанд бўлажак Бразилияга қарши учрашув ҳақида ўз фикрларини билдириб ўтди.
Жамоалар ўртасидаги учрашув Жаҳон чемпионатининг 1/8 финали доирасида бўлиб ўтади ва у Тошкент вақти билан соат 01:00 да бошланади.
«Бизни ўта махсус ўйин кутмоқда. Мен Бразилия терма жамоасини ва ушбу мамлакатни яхши кўраман. Бразилияликларнинг футбол ўйнаш услуби менга ёқади. Бразилияда доимо дунёнинг энг яхши футболчилари тўп суришган», — дея Холанднинг бўлажак баҳс олдидан журналистлар билан суҳбатдаги сўзларини келтиради матбуот хизмати.
«Манчестер Сити» форварди мазкур мундиалдаги учта учрашувда ўз ҳисобига 5 та гол ёздириб қўйишга улгурди. Норвегияликлар ҳужумчиси турнир тўпурарлар пойгасида фақатгина Лионель Месси (7 та гол) ва Килиан Мбаппедан (6 та гол) ортда қолмоқда.
