ЖЧ-2026 нимчорак финал учрашуви олдидан ўтказилган матбуот анжуманида Франция терма жамоаси ҳужумчиси Дезире Дуэ фаворит мақоми жамоа учун қўшимча босим туғдирмаслигини маълум қилди.
«Фаворит деб ҳисобланаётганимиз сабабли ҳеч қандай босимни ҳис қилаётганимиз йўқ. Биз бор эътиборимизни ўз ўйинимизга қаратганмиз. Турнир бошланишидан олдин ҳам фаворит эдик, Парагвайга қарши баҳсда ҳам яна фаворит сифатида майдонга тушамиз. Бироқ фаворитлик мақоми ҳали ғалабани кафолатламайди. Ғалаба қозониш учун бор кучимизни бир жойга жамлашимиз керак. Учрашувга жуда жиддий ёндашишимиз лозим. Парагвай — яхши жамоа. Уларнинг таркибида сифатли футболчилар бор. Рақиб ҳимояда кучли ўйин кўрсатади, улар кўп сариқ карточка олишди. Биз бунга тайёр туришимиз керак», — деди Дуэ.
