Аргентина терма жамоаси Жаҳон чемпионатининг 1/16 финал учрашувида Кабо-Верде устидан ғалаба қозонди (3:2). Асосий 90 дақиқа 1:1 ҳисобидаги дуранг билан якунланган бўлса, экстра-таймларда томошабинлар яна учта голга гувоҳ бўлишди. Учрашувдаги ҳал қилувчи гол 111-дақиқада Кристиан Ромеро томонидан киритилди, бироқ расмий баёнономада бу вазият рақибнинг автоголи сифатида қайд этилди.

Аргентина ўз тарихида 12-марта Жаҳон чемпионатидаги ўйинни қўшимча вақтгача олиб борди — бу турнирнинг мутлақ янги рекордидир. Шу билан бирга, Opta таҳлилларига кўра, ушбу 12 та ҳолатнинг 10 тасида «альбиселесте» ғолиб сифатида майдонни тарк этган (шулардан 6 таси пенальтилар сериясида қўлга киритилган).

ЖЧ-2026нинг 1/8 финалида амалдаги жаҳон чемпионлари Миср терма жамоасига қарши майдонга тушади.