Ўз вақтида Дортмунднинг «Боруссия» клуби ва Германия терма жамоасида тўп сурган Матс Хуммельс АҚШ, Мексика ва Канада мезбонлик қилаётган Жаҳон чемпионати — 2026 мусобақасида Кабо-Верде терма жамоаси кўрсатган ўйинга муносабат билдирди.
Оролликлар дунё биринчилигининг 1/16 финалида Аргентина терма жамоасига жиддий муаммолар туғдира олишди. Лионель Скалони шогирдлари 90 дақиқа ичида Кабо-Верде тўсиғидан ўта олишмади — амалдаги жаҳон чемпионларига ғалаба (3:2) учун қўшимча бўлимлар керак бўлди.
"Кабо-Верде. Бу мен ҳаётимда кўрган яққол аутсайдер томонидан кўрсатилган энг ҳайратланарли ўйин бўлди", — деб ёзади германиялик футболчи ўз ижтимоий тармоқлардаги саҳифасида.
Эслатиб ўтамиз, Кабо-Верде терма жамоаси гуруҳ босқичида ҳам сенсация қайд этиб, Испания билан дуранг ўйнаган эди (0:0). Шунингдек, африкаликлар Уругвай (2:2) ва Саудия Арабистони (0:0) билан баҳсларда ҳам мағлубиятга учрашмаганди.
