Жаҳон чемпионати-2026 1/8 финалидан ўрин олган учрашув бош ҳаками, ўзбекистонлик Илгиз Танташев Франциянинг машҳур L'Equipe нашри томонидан ўн баллик тизимда бор-йўғи бир баллга лойиқ кўрилди.

Газета ўйин давомида парагвайлик футболчилар қўпол ўйнаганига қарамай, бирорта ҳам огоҳлантириш олмагани, французларга эса учта сариқ карточка кўрсатилгани учун ҳакамнинг ишини шундай баҳолаган.

Учрашув жанжал билан якунланди. Ўйиндаги ягона гол муаллифи Килиан Мбаппе Парагвай терма жамоаси дарвозабони билан қўл бериб кўришишни рад этди, бунинг эвазига посбон тўпни унинг орқасидан улоқтирди.

Бундан ташқари, Мбаппе ўйин пайтида тўқнашиб кетган Хуниор Алонсонинг кўз ўнгида ғалабани намойишкорона тарзда нишонлади.

Эслатиб ўтамиз, Франция 1:0 ҳисобида ғалаба қозониб, чорак финалга йўл олди ва у ерда Марокаш терма жамоасига қарши майдонга тушади.