Франция учун Парагвайга қарши кечган ЖЧ-2026 1/8 финал учрашуви максимал даражада оғир ўтди: ёпиқ ўйин, рақибнинг зич ҳимояси ва қўпол қоидабузарликларнинг кўплиги. Бундай лаҳзаларда эса Франциянинг доим биргина халоскори бор.

Килиан Мбаппе парагвайликларнинг қаршилигини синдирган ва Францияни чорак финалга олиб чиққан ғалаба тўпини киритди.

Бу гол биз мундиалларда Мбаппе даврида яшаётганимизни яна бир бор эслатиб қўйди. Унинг 27 ёшга тўлгунига қадар қайд этаётган рақамлари ақл бовар қилмас даражада: ҳозирнинг ўзидаёқ у жаҳон чемпионатлари плей-офф босқичи тарихидаги энг яхши тўпурарлар рўйхатини якка пешқадам сифатида бошқариб, ўтмиш афсоналаридан ўзиб кетди:

11 та гол — Килиан Мбаппе

8 та гол — Роналдо

8 та гол — Леонидас

Мбаппе Франция терма жамоаси сафида жаҳон чемпионатларида Тьерри Анри, Оливье Жиру, Зинедин Зидан ва Карим Бензема биргаликда киритганчалик гол (19 та) урди!