«Ювентус» ва Аргентина терма жамоаси собиқ ҳужумчиси Карлос Тевес Италия миллий жамоасини ким бошқариши кераклиги ҳақида ўз фикрини билдирди. Италияликлар кетма-кет учинчи марта жаҳон чемпионатига чиқа олишмади, шундан сўнг Женнаро Гаттузо терма жамоани тарк этди.

«Бу қандай савол: албатта, Антонио Конте. Фақат угина жамоани бундай вазиятдан олиб чиқишга қодир. У биринчи йилдаёқ муваффақиятга эришган бўларди — доим шундай бўлган. Кейин иккинчи ва учинчи мавсумлар қандай кечишини кутиш керак, аммо унга сўзсиз ишониш лозим. У фаолиятимдаги энг яхши мураббий бўлган.

Аллегри ҳам жуда яхши. Баъзида уни ҳаддан ташқари ҳимоявий ўйин услуби учун айблаган бўлсам-да, тан оламан, биз жуда яхши чиқишардик. Худди Скалони каби, тўғрими? Контени терма жамоа тепасига қўйинг ва у жамоадан максимал натижани суғуриб олиш йўлини топади. Бундан ташқари, кучли футболчиларни тарбиялаш ҳам зарур», – деди Тевес.

Аргентиналик футболчи «Ювентус»да икки мавсум тўп сурган: 2013-2014 йилларда Конте қўл остида, 2014-2015 йилларда эса Аллегри бошқарувида ўйнаган.