«Yuventus» va Argentina terma jamoasi sobiq hujumchisi Karlos Teves Italiya milliy jamoasini kim boshqarishi kerakligi haqida o‘z fikrini bildirdi. Italiyaliklar ketma-ket uchinchi marta jahon chempionatiga chiqa olishmadi, shundan so‘ng Jennaro Gattuzo terma jamoani tark etdi.

«Bu qanday savol: albatta, Antonio Konte. Faqat ugina jamoani bunday vaziyatdan olib chiqishga qodir. U birinchi yildayoq muvaffaqiyatga erishgan bo‘lardi — doim shunday bo‘lgan. Keyin ikkinchi va uchinchi mavsumlar qanday kechishini kutish kerak, ammo unga so‘zsiz ishonish lozim. U faoliyatimdagi eng yaxshi murabbiy bo‘lgan.

Allegri ham juda yaxshi. Ba’zida uni haddan tashqari himoyaviy o‘yin uslubi uchun ayblagan bo‘lsam-da, tan olaman, biz juda yaxshi chiqishardik. Xuddi Skaloni kabi, to‘g‘rimi? Konteni terma jamoa tepasiga qo‘ying va u jamoadan maksimal natijani sug‘urib olish yo‘lini topadi. Bundan tashqari, kuchli futbolchilarni tarbiyalash ham zarur», – dedi Teves.

Argentinalik futbolchi «Yuventus»da ikki mavsum to‘p surgan: 2013-2014 yillarda Konte qo‘l ostida, 2014-2015 yillarda esa Allegri boshqaruvida o‘ynagan.