Англия терма жамоаси марказий ярим ҳимоячиси Жордан Хендерсоннинг фикрича, унинг жамоаси Жаҳон чемпионати–2026 1/8 финали доирасида Мексикага қарши кечадиган қийин шароитдаги ўйинга мослаша олади.
Учрашув 6 июлга ўтар кечаси Мехикодаги «Ацтека» стадионида бўлиб ўтади. Ушбу ўйингоҳ денгиз сатҳидан 2240 метр баландликда жойлашган — кислород етишмовчилиги бунга тайёр бўлмаган инглизлар учун қийинчилик туғдириши мумкин.
«Биз ҳар қандай вазиятга мослаша оламиз. Бу ерга ўз вазифамизни бажариш учун келганмиз: ўзимизнинг энг яхши версиямизни кўрсатиш, яхлит жамоа бўлиш, курашиш ва майдонда бир-биримиз ҳамда ватандаги мухлисларимиз учун бор кучимизни бериш», — дея ярим ҳимоячининг сўзларини келтиради Sky Sports.
Шимолий Америкадаги мундиалнинг 1/16 финалида Томас Тухель шогирдлари Конго ДР терма жамоасини 2:1 ҳисобида мағлуб этган эди.
