Мексика терма жамоаси устози Хавьер Агирре Жаҳон чемпионати–2026 1/8 финали доирасида Англия терма жамоасига қарши кечган баҳсдан сўнг ўз фикрлари билан ўртоқлашди. Мундиал мезбонлари 2:3 ҳисобида мағлубиятга учраб, турнирдаги иштирокларини якунлашди.
«Жамоа қўлидан келган барча ишни қилди. Футболчиларимга эътирозим йўқ. Бизга қарши жуда кучли рақиб ўйнади. Бундай даражадаги учрашувларда хатога йўл қўйиб бўлмайди. Биз ўзгаришлар билан таваккал қилдик, сон жиҳатдан устунликдан (сон жиҳатдан кўп бўлиб қолганимиздан) фойдаланмоқчи эдик, бироқ бу ўхшамади. Қўллаб-қувватлаганликлари учун барчага раҳмат айтаман», — дея мутахассиснинг сўзларини келтиради ФИФА матбуот хизмати.
Англия терма жамоаси Жаҳон чемпионатининг чорак финалига йўл олди ва у ерда Норвегия билан тўқнаш келади.
