Opta суперкомпьютери 2026 йилги Жаҳон чемпионати 1/8 финалидан ўрин олган Испания ва Португалия терма жамоалари ўртасидаги баҳсда қайси томоннинг ғалаба қозониш имконияти юқори эканлигини ҳисоблаб чиқди. Бу ҳақда Opta Analyst нашри хабар берди. Ушбу учрашув бугун, 6 июль куни бўлиб ўтади.

Олинган маълумотларга кўра, Испаниянинг асосий вақтда ғалаба қозониш имконияти 48,6% ни ташкил этмоқда. Португалия терма жамоасининг ғалаба қозониш эҳтимоли эса 25,6% га тенг. Ўйиннинг қўшимча бўлимлар ёки пенальтилар сериясига қадар давом этиш эҳтимоли 25,8% ўлароқ баҳоланган.

Груҳ босқичи якунларига кўра, Испания терма жамоаси 7 очко жамғариб, "H" квартетида биринчи ўринни эгаллаган эди. Португалия миллий жамоаси эса 5 очко тўплаб, "K" гуруҳида иккинчи поғонадан жой олди. Жаҳон биринчилигининг 1/16 финалида испанлар Австрияни тор-мор этган бўлса (3:0), Португалия терма жамоаси Хорватиядан устун келди (2:1).