Opta superkompyuteri 2026 yilgi Jahon chempionati 1/8 finalidan o‘rin olgan Ispaniya va Portugaliya terma jamoalari o‘rtasidagi bahsda qaysi tomonning g‘alaba qozonish imkoniyati yuqori ekanligini hisoblab chiqdi. Bu haqda Opta Analyst nashri xabar berdi. Ushbu uchrashuv bugun, 6 iyul kuni bo‘lib o‘tadi.
Olingan ma’lumotlarga ko‘ra, Ispaniyaning asosiy vaqtda g‘alaba qozonish imkoniyati 48,6% ni tashkil etmoqda. Portugaliya terma jamoasining g‘alaba qozonish ehtimoli esa 25,6% ga teng. O‘yinning qo‘shimcha bo‘limlar yoki penaltilar seriyasiga qadar davom etish ehtimoli 25,8% o‘laroq baholangan.
Gruh bosqichi yakunlariga ko‘ra, Ispaniya terma jamoasi 7 ochko jamg‘arib, "H" kvartetida birinchi o‘rinni egallagan edi. Portugaliya milliy jamoasi esa 5 ochko to‘plab, "K" guruhida ikkinchi pog‘onadan joy oldi. Jahon birinchiligining 1/16 finalida ispanlar Avstriyani tor-mor etgan bo‘lsa (3:0), Portugaliya terma jamoasi Xorvatiyadan ustun keldi (2:1).
