Жаҳон чемпионати — 2026 нинг 1/8 финал учрашувида Португалия терма жамоаси Испания миллий жамоасидан 0:1 ҳисобида минимал мағлубиятга учради. Ягона голни ҳакам томонидан қўшиб берилган вақтда ярим ҳимоячи Микель Мерино киритди.
Таъкидлаш жоизки, 41 ёшли португалиялик марказий ҳужумчи Криштиану Роналду учун ушбу муваффақиятсизлик мундиаллардаги саккизинчи мағлубият бўлди. У турнирнинг антирекордини такрорлади. Аввалроқ Жаҳон чемпионатларида саккизтадан мағлубиятни Жанубий Корея вакиллари Сон Хён Мин ва Хон Мён Бо, австралиялик Мэтью Леки ҳамда мексикалик Антонио Карбахаль қабул қилиб олишган эди.
Шимолий Америкадаги Жаҳон чемпионатида Криштиану бешта баҳсда майдонга тушиб, учта гол уришга муваффақ бўлди.
