Jahon chempionati — 2026 ning 1/8 final uchrashuvida Portugaliya terma jamoasi Ispaniya milliy jamoasidan 0:1 hisobida minimal mag‘lubiyatga uchradi. Yagona golni hakam tomonidan qo‘shib berilgan vaqtda yarim himoyachi Mikel Merino kiritdi.
Ta’kidlash joizki, 41 yoshli portugaliyalik markaziy hujumchi Krishtianu Ronaldu uchun ushbu muvaffaqiyatsizlik mundiallardagi sakkizinchi mag‘lubiyat bo‘ldi. U turnirning antirekordini takrorladi. Avvalroq Jahon chempionatlarida sakkiztadan mag‘lubiyatni Janubiy Koreya vakillari Son Xyon Min va Xon Myon Bo, avstraliyalik Metyu Leki hamda meksikalik Antonio Karbaxal qabul qilib olishgan edi.
Shimoliy Amerikadagi Jahon chempionatida Krishtianu beshta bahsda maydonga tushib, uchta gol urishga muvaffaq bo‘ldi.
