«Астон Вилла» ва Бельгия терма жамоаси ярим ҳимоячиси Амаду Онана тиззасининг хочсимон пайларини узиб олди. Бу ҳақда машҳур журналист Дэвид Орнштейн хабар бермоқда.

Манба берган маълумотларга кўра, Жаҳон чемпионати — 2026 нинг 1/8 финал учрашувида жароҳат олган 24 ёшли футболчида тизза олди хочсимон пайларининг узилиши ташхиси қўйилган.

Журналистнинг фикрига кўра, жорий ёзда «Астон Вилла» янги таянч ярим ҳимоячиси сотиб олишни режалаштирмаётган эди, бироқ энди клуб ўз режаларини қайта кўриб чиқиши мумкин.

Ушбу мундиалда Онана тўртта ўйинда майдонга тушди ва самарали ҳаракатлар билан ажралиб туролмади.

1/8 финал баҳси Бельгиянинг АҚШ устидан 4:1 ҳисобидаги йирик ғалабаси билан якунланди. Навбатдаги раундда Руди Гарсия шогирдлари Испания билан тўқнаш келишади.