«Aston Villa» va Belgiya terma jamoasi yarim himoyachisi Amadu Onana tizzasining xochsimon paylarini uzib oldi. Bu haqda mashhur jurnalist Devid Ornshteyn xabar bermoqda.

Manba bergan ma’lumotlarga ko‘ra, Jahon chempionati — 2026 ning 1/8 final uchrashuvida jarohat olgan 24 yoshli futbolchida tizza oldi xochsimon paylarining uzilishi tashxisi qo‘yilgan.

Jurnalistning fikriga ko‘ra, joriy yozda «Aston Villa» yangi tayanch yarim himoyachisi sotib olishni rejalashtirmayotgan edi, biroq endi klub o‘z rejalarini qayta ko‘rib chiqishi mumkin.

Ushbu mundialda Onana to‘rtta o‘yinda maydonga tushdi va samarali harakatlar bilan ajralib turolmadi.

1/8 final bahsi Belgiyaning AQSH ustidan 4:1 hisobidagi yirik g‘alabasi bilan yakunlandi. Navbatdagi raundda Rudi Garsiya shogirdlari Ispaniya bilan to‘qnash kelishadi.