Марокаш Қироллик футбол федерацияси (FRMF) президенти Фаузи Лекджаа Испания терма жамоаси ярим ҳимоячиси Ламин Ямалнинг африкалик эканлигига тўхталиб ўтди. Футболчининг отаси томондан Марокашда илдизлари бор ва у «атлас шерлари» сафида тўп суриши мумкин эди.
«Биз Ямалнинг танловини ҳурмат қилдик ва буни ҳеч қачон шубҳа остига олмадик. Ламинга ҳам, унинг оиласига ҳам бўлган муносабатимиз ҳеч қачон ўзгарган эмас. Менинг билишимча, улар тез-тез, айниқса Марокашнинг шимолий вилоятларига — ўзларининг тарихий ватанларига дам олиш учун келиб туришади. Бу ерда уларни доим мамнуният билан кутиб олишади.
Ламин Жамел. Шахсан мен исми Ямал бўлган бирорта ҳам испанни билмайман», — дея Лекджаанинг сўзларидан иқтибос келтиради Onze Mondial нашри.
Испания ва Марокаш ЖЧ-2026нинг 1/4 финалига йўл олишди. Плей-оффнинг навбатдаги босқичида «атлас шерлари» Франция билан, «Қизил фурия» эса Бельгия билан тўқнаш келади.
