Лионель Месси жаҳон чемпионати-2026 мусобақасида 9 та натижали ҳаракатни амалга оширди.
Бугун Аргентина терма жамоаси ҳужумчиси 1/8 финалдан ўрин олган Мисрга қарши ўйинда (3:2) Кристиан Ромерога голли узатма берди ва ўз номига битта гол ёздириб қўйди.
39 ёшли футболчининг ушбу турнирдаги кўрсаткичлари 8 та гол ва 1 та голли пасга етди. У гол+пас тизимида энг кўп очко тўплаган футболчилар рўйхатида биринчи ўринни Килиан Мбаппе билан бўлишиб турибди — Франция терма жамоаси форварди ҳисобида 7 та гол ва 2 та ассист бор.
Уларнинг энг яқин таъқибчилари бўлган Эрлинг Холанд ва Харри Кейн ҳисобида эса 7 тадан очко мавжуд.
