Кабо-Верде терма жамоаси дарвозабони, «Возинья» лақаби билан танилган Жозимар Хосе Эвора Диас шу ёзда «Интер Майами» клубига ўтиши мумкин. Португалиянинг «Чавес» клуби билан шартномаси якунланган 40 ёшли африкалик посбон айни дамда эркин агент ҳисобланади.
Ҳаммуассисларидан бири Дэвид Бекҳэм бўлган АҚШ клуби яқинда 2026 йилги мавсум учун чет эллик футболчини рўйхатдан ўтказиш бўйича қўшимча квотага эга бўлди, бу эса кабо-верделик дарвозабоннинг трансферини осонлаштириши мумкин.
Жаҳон чемпионати бошланишидан олдин Возиньянинг ижтимоий тармоқларда 50 мингга яқин кузатувчиси бор эди. Уч ҳафтадан камроқ вақт ичида уларнинг сони 27 миллиондан ошиб кетди ва у дунёдаги энг машҳур дарвозабонга айланди.
Transfermarkt маълумотларига кўра, Возиньянинг трансфер баҳоси 50 минг еврони ташкил этади.
