«Пари Сен-Жермен» «Ювентус» клубининг ҳужумчи Рандаль Коло-Муани борасидаги таклифини рад этди, деб хабар бермоқда X ижтимоий тармоғидаги инсайдер Фабрицио Романо.

Турин клуби футболчи учун 30 миллион евро тўлашга тайёр эди, бироқ бу сумма парижликларни қаноатлантирмади. «Ювентус» музокараларга қайтиш ва 27 ёшли франциялик футболчининг трансфери бўйича Франция клуби билан келишувга эришиш учун янги уринишни амалга ошириш ниятида.

Коло Муани 2024/25 йилги мавсумнинг иккинчи ярмида ижара асосида «Ювентус» сафида тўп тепган эди. Ўшанда у 22 та ўйинда 10 та гол уриб, 3 та голли узатмани амалга оширган.

2023 йилда «ПСЖ» Коло-Муанини «Айнтрахт»дан 95 миллион еврога харид қилган эди. Ўтган мавсумда ҳужумчи «Тоттенхэм»да ижара асосида ўйнади: 41 та ўйинда 5 та гол ва 4 та голли узатма муаллифи бўлди.

Коло-Муанининг «ПСЖ» билан шартномаси 2028 йилгача мўлжалланган. Transfermarkt портали футболчининг қийматини 20 миллион еврога баҳоламоқда.