«Бетис» клуби матбуот хизмати «Реал» ҳимоячиси Фран Гарсия билан шартнома имзоланганини маълум қилди.

26 ёшли футболчи янги жамоаси билан тўрт мавсумга мўлжалланган — 2030 йилгача бўлган шартнома имзолади.

Гарсия — «Реал» тарбияланувчиси. 2021 йилда у «Райо Вальекано»га ўтган ва икки йил ўтиб Мадрид клубига қайтган эди. Умуман олганда, ҳимоячи «қироллик клуби» сафида 109 та ўйин ўтказиб, 3 та гол урган ва 13 та голли узатмани амалга оширган.

Transfermarkt портали футболчининг бозор қийматини 10 миллион еврога баҳоламоқда.