«Барселона» ва Испания терма жамоаси ярим ҳимоячиси Дани Ольмо 2026 йилги жаҳон чемпионати 1/4 финали олдидан жамоадоши Ламин Ямал ҳақида ўз фикрлари билан ўртоқлашди.

«Менимча, Ламин барчасини аъло даражада бажармоқда: у ўз кучига ишонади ва тобора кучайиб бормоқда. У янада ўсишга интилади, биз бир-биримизни жуда яхши тушунамиз ва у жамоага жуда катта ҳисса қўшмоқда ҳамда бундан кейин ҳам қўшишда давом этади. Кейинги ўйинда у бизга катта фойда келтиради.

У гол урмаган ёки голли узатма бермаган тақдирда ҳам, майдондаги борлигининг ўзи билан катта фойда келтиради. Тўпни қабул қилиб олганида, унинг атрофини икки-учта ҳимоячи ўраб олади, бу эса майдоннинг бошқа ҳудудларида бўш зоналар яратади. Ишончимиз комилки, у ҳали голлар уради ва ажойиб ўйин намойиш этишда давом этади. У бизга жуда кўп ёрдам бермоқда», — деди Дани Ольмо ўйин олдидан ташкил этилган матбуот анжуманида.

Чорак финалда Испания терма жамоаси Бельгия билан тўқнаш келади. Учрашув 11 июль куни Тошент вақти билан соат 00:00да бўлиб ўтади.