Англия терма жамоаси ҳужумчиси Харри Кейн жамоанинг жорий Жаҳон чемпионатидаги натижалари ҳақида фикр билдирди. Томас Тухель шогирдлари бирорта ҳам мағлубиятга учрашмади, лекин турнирдаги деярли барча ўйинлар улар учун оғир кечди.
«Ҳамма турнирни идеал тарзда бошлашни хоҳлайди. Идеал ҳолатда сиз барча ўйинларда ишончли ғалаба қозонасиз ва ажойиб футбол намойиш этасиз, лекин доим ҳам бундай бўлавермайди. Тарих шуни кўрсатадики, йирик турнирлар ғолиблари бутун йўлни ҳеч қандай хатосиз босиб ўтиши жуда камдан-кам ҳолларда кузатилади», — Кейннинг сўзларини келтиради ESPN.
Жаҳон чемпионати — 2026 чорак финалида Англия терма жамоаси Норвегия билан тўқнаш келади.
