Аргентина терма жамоаси ҳимоячиси Лисандро Мартинес жамоанинг Жаҳон чемпионати — 2026 плей-офф босқичида ҳимояда ишончсиз ўйин кўрсатаётгани ҳақида фикр билдирди. Аргентина терма жамоаси 1/16 ва 1/8 финал учрашувларида Кабо-Верде ва Миср терма жамоаларидан ўз дарвозасидан иккитадан тўп ўтказиб юборди.
«Бизга гол ўтказиб юбориш ёқмайди ва албатта, янада диққатлироқ бўлишимиз керак. Менинг фикримча, агар диққатимизни яхшироқ жамлай олсак, гол ўтказиб юбормаймиз», — Мартинеснинг сўзларини келтиради ESPN.
Жаҳон чемпионати — 2026 чорак финалида Аргентина терма жамоаси Швейцария билан тўқнаш келади. Учрашув 12 июль куни бўлиб ўтади.
