АҚШ терма жамоаси ҳужумчиси Фоларин Балогуннинг дисквалификациясини бекор қилиш ҳақидаги қарорни ФИФА интизом қўмитаси раиси, Бирлашган Араб Амирликлари вакили Муҳаммад Ал-Камали якка ўзи қабул қилган, деб хабар беради The Times.
Манба маълумотларига кўра, ФИФА интизом қўмитаси 18 кишидан иборат бўлса-да, қўмитанинг бошқа аъзолари ушбу қарорни қабул қилишда иштирок этмаган ва улар билан маслаҳатлашилмаган.
25 ёшли форвард 1/16 финалда Босния ва Герцеговинага қарши ўйинда (2:0) қизил карточка олганди. Кейинроқ ФИФА унинг дисквалификациясини вақтинча тўхтатиб, уни 1 йиллик синов муддати билан алмаштирди. Бу эса футболчига 1/8 финалда Бельгияга қарши ўйинда (1:4) иштирок этиш имконини берди.
