Испания терма жамоаси ярим ҳимоячиси Родри Эрнандес 19 ёшли вингер Ламин Ямалнинг миллий жамоа учун қанчалик муҳимлигини баҳолади.
«Мураббийимиз Ямалга майдонда совуққонроқ бўлиш кераклигини айтди. Баъзида у майдонда ниманидир исботлашни ҳаддан ташқари кўп истайди. У ўзини тийишни ўрганиши керак. Ламин жамоамиз учун жуда муҳим. У ўта ақлли ўйинчи. Унга ўз қобилиятини намойиш этиш учун керакли паллани кутиш лозим», — дея юлдуз футболчининг сўзларини келтиради Fox Sports.
Жаҳон чемпионати-2026 ярим финалида Испания терма жамоаси Франция термасига қарши баҳс олиб боради. Учрашув сешанба, 14 июль куни бўлиб ўтади.
