«Барселона» «Атлетико» ҳужумчиси Хулиан Альваресни ўз сафига қўшиб олиш ғоясидан воз кечмаяпти.
Каталония клуби «матрасчилар» фойда кўриш мақсадида аргентиналик футболчини сотишга рози бўлишга мажбур бўлишлари мумкинлигини тахмин қилмоқда: Sport нашрининг хабар беришича, мадридликлар трансферлар учун аллақачон 80 миллион евродан ортиқ маблағ сарфлаб бўлишди, бироқ футболчиларни сотиш бўйича кўплаб битимлар тўхтаб қолган. Агар бошқа қимматбаҳо ўйинчилардан ҳеч ким жамоадан кетмаса, «Атлетико» Альварес бўйича тушган таклифни қабул қилишга мажбур бўлиши эҳтимоли жуда юқори.
Хулиан Альвареснинг бозор қиймати Transfermarkt экспертлари томонидан 100 миллион еврога баҳоланмоқда.
