Испания терма жамоасининг Жаҳон чемпионати ярим финалида Франция устидан қозонган ғалабаси (2:0) 1982 йилдан бери давом этиб келаётган ноёб серияга нуқта қўйди.
ESPN хабарига кўра, 44 йил давомида Жаҳон чемпионатларининг ҳар бир финалида Мюнхеннинг «Бавария» ва Миланнинг «Интер» клублари футболчилари бир вақтнинг ўзида иштирок этиб келаётган эди.
Франция терма жамоаси таркибида ушбу мундиалда «Бавария» футболчилари Майкл Олисе ва Дайо Упамекано, шунингдек, «Интер» ҳужумчиси Маркус Тюрам бор эди. Испания қайдномасида эса ушбу клубларнинг ҳеч биридан футболчи йўқ.
Энди финалда ё «Бавария» (инглиз Харри Кейн туфайли), ёки «Интер» (аргентиналик Лаутаро Мартинес туфайли) вакили иштирок этади, аммо улар эндиликда бир финалда биргаликда бўлмайди.
