ЖЧ-2026 ярим финалида Англия ва Аргентина терма жамоалари тўқнаш келишади. Бўлажак баҳс ҳақидаги ўз фикрлари билан «Челси»нинг собиқ ҳужумчиси Крис Саттон ўртоқлашди.
«Аргентина майдонда цирк уюштиришни яхши кўради. Агар ўйин инглиз футболчиларининг асабини бузадиган хаосга айланса, улар бундан хурсанд бўлишади. Тухель шогирдлари хотиржамликни сақлаши керак, шундагина улар ишончли ғалабага эришади. Шунингдек, Аргентина ўйинни иккита четлатиш билан якунлаши мумкин деб ўйлайман», — дея Саттоннинг сўзларини келтиради Daily Mirror.
Ўйин 15 июль куни Атлантадаги стадионда бўлиб ўтади ва Тошкент вақти билан соат 00:00 да бошланади.
