UFC чемпиони Ҳабиб Нурмагомедов 2026 йилги Жаҳон чемпионати ярим финали доирасидаги Англия ва Аргентина терма жамоалари ўртасидаги тўқнашув ҳақида ўз фикрлари билан ўртоқлашди.
«Қандай интрига. Бизни қандай ўйин кутиб турибди, хатар жуда катта. Англия жуда яхши кўринмоқда, уларнинг кейинги босқичга чиқишини жуда-жуда истайман. Аргентинда бир нарса ҳайрон қолдиради: таркиб 2022 йилги Жаҳон чемпионатидаги билан деярли бир хил, футбол ва ўйинчилар ҳам деярли ўзгармаган. Бугун Англияга илгаригидан ҳам кўпроқ мухлислик қиляпман», — деб ёзди Ҳабиб ўз телеграм-каналида.
Эслатиб ўтамиз, Англия ва Аргентина терма жамоалари ўртасидаги жанг 15 июль куни Тошкент вақти билан соат 00:00 да бўлиб ўтади. Ушбу жуфтлик ғолиби финалда Испания терма жамоасига қарши майдонга тушади, мағлуб бўлган томон эса учинчи ўрин учун баҳсда Францияга қарши ўйнайди.
